top of page
  • ಜಿ.ಕೆ.ರವೀಂದ್ರಕುಮಾರ್

ಜೊತೆಗಷ್ಟು ಜೀವನ

ಕೈಯಿಂದ ಚಿಮ್ಮಿದ ಚೆಂಡಿಗೆ ಗೊತ್ತಿಲ್ಲ

ಮುಂದಿನ ಕ್ಷಣ ತಾನು ಎಲ್ಲಿ ಹೇಗೆ ಎಂದು

ಹೊಡೆಯಬಹುದು ಬಿಡಬಹುದು ಬೀಳಬಹುದು

ಗೆರೆಯ ದಾಟಬಹುದು

ಏನಾದರೂ ಅಷ್ಟು ಸಂತೋಷ ಇಷ್ಟು ಚಡಪಡಿಕೆ ಒಂದಷ್ಟು ನಿಟ್ಟುಸಿರು


ಹೊರಬಿದ್ದ ನಾದಕ್ಕೆ ಗೊತ್ತಿಲ್ಲ

ಯಾರ ಎದೆ ಯಾರ ಕರುಳು ಯಾರ ಕಣ್ಣು ಹೇಗೆ ಎಂದು

ಬೆಳಗಬಹುದು ನೀರಾಗಬಹುದು ಉಸಿರಾಗಬಹುದು

ಕಿವಿಯಲ್ಲೇ ಇಂಗಬಹುದು

ಏನಾದರೂ ಅಷ್ಟು ಇಳಿದಂತೆ ಇಷ್ಟು ಗೆದ್ದಂತೆ ಎಂಥದೋ ತೊಳಲಾಟ


ತಳ್ಳಿಸಿಕೊಂಡ ಸ್ಟ್ರೈಕರ್ ಗೆ ಗೊತ್ತಿಲ್ಲ

ಯಾವ ಕಾಯಿನ್ ಯಾವ ಪೋಚ್ ಯಾವ ದಿಕ್ಕು

ಉದುರಬಹುದು ನಿಲ್ಲಬಹುದು ತೊಡರಬಹುದು

ತನ್ನನ್ನೇ ತಳ್ಳಿದವರು ಹುಡುಕಬಹುದು

ಏನಾದರೂ ಅಷ್ಟು ಖುಷಿ ಇಷ್ಟು ನಿರಾಸೆ ಒಂದಷ್ಟು ಲೆಕ್ಕಾಚಾರ


ಭೂಮಿಗೆ ಬಿದ್ದ ಮೇಲೂ ಎಲ್ಲ ತಿಳಿಯುವುದೆಂದಲ್ಲ

ಯಾವ ಪದ ಯಾರ ಪದಾರ್ಥ ಎಂಥ ಸಂಬಂಧ

ಹೆಣೆಯಬಹುದು ಹರಿಯಬಹುದು ಬಾಳಿಸಬಹುದು

ಒಂದು ಉಸಿರಲ್ಲೇ ಏನೆಲ್ಲ ದೂಡಬಹುದು

ಏನಾದರೂ ಅಲ್ಲೊಂದು ಚೆಂಡು ಇಲ್ಲೊಂದು ಸ್ಟ್ರೈಕರ್ ಒಂದಷ್ಟು ನಾದ


ಜೊತೆಗಷ್ಟು ಆಯಸ್ಸು


ಜಿ ಕೆ ರವೀಂದ್ರಕುಮಾರ್

0 views0 comments

Recent Posts

See All

ನೆರಳ ಚಿತ್ರಗಳು

ಸಾವಯವ ಸುಪಾರಿ ಕೊಲ್ಲಲು ದುಡ್ಡು ಕೊಟ್ಟರೆ ಸುಪಾರಿ ಕೊಲ್ಲುವ ಕಥೆಗೆ ದುಡ್ಡು ಕೊಟ್ಟರೆ ಪ್ರಾಯೋಜನೆ ಕಥೆ ನೋಡಿ ಸುಮ್ಮನಿದ್ದರೆ ಮನರಂಜನೆ ಕೊಲ್ಲಲು ತೀರ್ಮಾನಿಸಿದರೆ ಅಪರಾಧ ಇಂಥ ಕೆಲಸ ಮಾಡುವಾಗ ಮನಸ್ಸಿನೊಳಗೆ ಸುಪಾರಿಯೂ ಪ್ರಾಯೋಜನೆಯೂ ಒಂದರೊಳಗೊಂದ

ನೆರಳ ಚಿತ್ರಗಳು

ಕಥಾಸರಿತ್ಸಾಗರ ಪ್ರತಿ ಅಕ್ಷರವೂ ಏನೋ ಹೇಳಬೇಕೆಂದು ಬರುವಲ್ಲಿ ಏನೆಂದುಕೇಳದೆ ನನ್ನ ಕಥೆ ಹೇಳಲು ಬಳಸಿಕೊಂಡ ನನಗೆ ಎಂದಾದರೂ ಒಂದು ದಿನ ಅವುಗಳ ಕಥೆ ಕೇಳಬಹುದು ಎಂದು ನನ್ನ ಹಸಿವ ಹಿಂಗಿಸುವ ಭರದಲ್ಲಿ ಒಂದು ತುತ್ತಿನ ಕಥೆಯನ್ನೂ ಕೇಳಲಾಗಿಲ್ಲ ಇದುವರೆಗ

ನೆರಳ ಚಿತ್ರಗಳು

ಒಂದು ಕವಿತೆಯ ಪ್ರೊಮೋ ಕಥೆ ಸಾಗಬೇಕಾದರೆ ಒಮ್ಮೆ ಸಾಬೂನು ತಿಕ್ಕಿ ಕೋಲಾ ಕುಡಿದು ಜಾಮೂನು ತಿಂದು ಜಿರಲೆ ಕೊಂದು ಟಾಯ್ ಲೆಟ್ ಉಜ್ಜಿ ಕಥೆಗೊಂದು ತಿರುವು ಬೇಕಾದರೆ ಉಂಗುರ ತೊಡಿಸಿ ನೀಲಿ ಹಾಕಿ ನೆಕ್ಲೆಸ್ ತೊಟ್ಟು ಶೇವ್ ಮಾಡಿ ಪೂರಿ ಕರಿದು ಕಾರು ಹತ

Comments


bottom of page